Kompakte motor

'n Kompakte motor (Amerikaans), of 'n klein gesinsmotor (Brits), is 'n klas motorvoertuig wat groter is as 'n subkompakte motor maar kleiner as 'n mediumgrootte motor, rofweg gelyk aan die C-segment in Europa.

Die huidige kompakte motorgrootte, soos gedefinieer deur die VSA Environmental Protection Agency (EPA), vir die VSA en vir die internasionale modelle onderskeidelik, is ongeveer 4100 mm en 4450 mm lank vir luikrugmotors, of 4400 mm en 4750 mm lank vir cabrio, sedans of stasiewaens. Veeldoelige voertuie en sportnutsvoertuie gebaseer op klein gesinsmotor het soortgelyke groottes wat wissel van 4200-4500 mm in die VSA, en van 4400-4700 mm vir die internasionale modelle.

In Japan word 'n voertuig wat oor die 3.4 m lank, 1.48 m breed en 2 m hoog is en met 'n enjin groter as 660 cc, maar minder as 4.7 m lank, 1.7 m breed en 2 m hoog en met enjins tot 2000 cc groot beskou as 'n kompakte voertuig. Die meetstandaarde is absoluut, wat beteken dat spesiale voorsiening nie vir SNVs, miniwaens, stasiewaens of luikrugmotors gemaak word nie.